بوابة العطور بالرياض..

السلام عليكم ورحمة الله
يسعد لي كل أوقاتكم...
حبيت أسألكم ياسكان الرياض عن محل بوابة العطور لهم فرعين بالضباب والشفاء وبرضوا القصيم والدمام طبعا هالمحل عندهم عطور لأغلب الماركات وهم يبيعون 5 عطور بسعر 375 ريال
وودي اشوف أحد جربه وهل عطوراتهم مركزة ولا كيف؟؟
قبل لاروح واتوررررررط
إلي يعرفه لايبخل علي ....
الله يرزقكم بجنااااااااااته::

اجل الظاهر ماركتهم مضروبه وشلون 5 عطور بالسعر هذا وهي ماركه

اقول اختي فيه سوق بالبطحى والله نسيت اسمه المعيقليه الظاهر, سووووووق كبير به محل عطور اسمه زماني كل ماجيت للرياض اروح له محل مميز صراحه عده عطور اصليه اكيد ويسوي لك بعد خلطات العطور الاصليه ونفس الريحه وبسعر ارخص يعني بصراحه هو احسن واحد يركب عطور مو مثل باقي المحلات انا اول يوم يقولون لي عطر مركب صراحه يقلب وجهي واقول تقليد يعني وريحته بايخه لكن زماني متميز له فروع حتى في الامارات

ومقابل سوق المعيقليه شارع صغير كللللللللللللللله عطوووووووووووووور اسألي عنه هناك واكيد رح يدلونك عليه يمينك ويسارك حتى ترى الشارع يبدا اول شي بمحلات الالعاب وبعدين العطور

وموفقه ان شاء الله

وعليكم السلام
بوابه العطور اول مره اسمع عنه بس مثل ماقالك اخوي اذا تبين عطور معقول سعرها وحلوه بالمعيقليه او خذي لك من جنيد او اجمل حلوه عطوراتهم ورخيصه
هاذي المعلومه اللي عندي اتمنى اكون افدتك
وبالتوفيق

يا أختي انا سمعت فيه بس انصحك لا تحطي نفسك محل تجارب عطور


معروف الاصلي غالي..

واشتريها من درعه و وجوه

لكن اذا صرت مزنوقه وماكو فلوس ... اروح نفس مكان شمالي شرقي ... كلها هناك محلات عطور كثيره

واذا كنتي تحبي عطور طبيعيه و مركزه .. روحي لـ زهور الريف عندهم عطور مركزه اشكال والوان

يعطيكم ألف عإاإفيـهـ
شمالي شرقي الشارع الصغير إلي تقصده هـو شارع الوزير مدري السويلم شي زي كذا؟؟
ولا وصفه لي زين ربي يسعدكـ

يا اختي انا احييكي .
انا احد البياعين الي في المعرض .
العطور اصلية تجي تعبئة من فرنسة وبوابة العطور شركة فرنسية مسهامة سعودية .
العطور تجي مركزة ضعف التركيز الطبيعي على مرتين والريحة عليها ضمان يومين اذا راحت الريحة تقدري تردي فلوسك والفرق الوحيد انها بعلب خاصة بوكالة بيرفيوم جيت فع من شركة باريس ويف وكمان عندنا المناديب نجي البيوت مع عينات العطور ومنزلين اعلانات في الجرايد وكلامنا ثقة والسلام ختام